«Бақсы» композияциясы қазақ халқының тарихында, мәдениетінде бақсылықтың болғаны жайында мағлұмат беретін музыкалық-театрландырылған қойылым. Композиция барысында ансамбль құрамындағы қобызшы малдас құрып отырып бақсының рөлін сомдаса, басқа өнерпаздар ұрмалы аспаптармен би билеп, тылсым дүниедегі зұлым күштерді бейнелейді. Шығармада қобыз, домбыра, даңғыра, шаңқобыз, сылдырмақ сияқты музыкалық аспаптар қолданылған.