«Қазақ елі» 2008 жылы дүниеге келген ең алғашқы туынды. Бұл шығарма қазақ музыка мәдениетінің тарихындағы «Тұран» ансамблінің болашақ бағытын айқындаған алғашқы синкретті композиция. Шығармада өлең, күй, жыр сияқты өнер түрлері тоғысып, қазақ халқының фольклорлық музыкалық аспаптары жаңа қырынан көрсетілген. Композиция мазмұнында қазақтың кең-байтақ даласы, табиғатының сұлулығы, философиялық дүниетанымы, батырлығы мен қайсарлығы сипатталған.